NewsLab MediaLook

NewsLab është një platformë e konceptuar në formën e një motori kërkimi, e cila ndihmon gazetarët, por jo vetëm, të identifikojnë lajmet e publikuara që janë identike ose të ndikuara ndjeshëm nga PR-i i partive politike, institucioneve publike dhe entitete të tjera.

Çdo qytetar ka mundësi që të ngarkojë një tekst në databazë për të parë jo vetëm mediat në të cilën ai është publikuar, por edhe për të krahasuar ngjashmërinë e teksteve mes tyre, në numër fjalësh dhe në përqindje.Platforma NewsLab është zhvilluar nga Qendra Shqiptare MediaLook. Krahas opsionit “open acess” të motorit të kërkimit, pjesë e saj janë dhe artikuj e rubrikës “Propaganda”.

Këto të fundit vijnë në formën e raportimit, opinionit dhe analizës së njoftimeve, deklaratave apo veprime të aktorëve kryesor politik të të gjitha palëve.

Kjo platformë, e cila ndihmon gazetarët dhe opinionin publik për të kuptuar forma të propagandës si “churnalism”, dizinformimin apo “fake news” është ndërtuar me mbështetjen e Programit #SustainMedia, financuar nga Bashkimi Europian dhe Qeveria Gjermane, zbatuar nga GIZ, Internews dhe DW Akademie. Përmbajtjet në këtë platformë janë përgjegjësi e "Qendrës MediaLook" dhe nuk reflektojnë pikëpamjet e BE-së dhe Qeverisë Gjermane.